नयाँ वर्षमा कसले के गर्ने संकल्प ?

मुख्य खबर

गृहपृष्ठ
मुख्य खबर
नयाँ वर्षमा कसले के गर्ने संकल्प ?

नयाँ वर्षमा कसले के गर्ने संकल्प ?

वीरगंज सिटी सोमबार, वैशाख १, २०८२

नयाँ वर्ष २०८२ मा हरेक वर्गले आ–आफ्नो स्थानबाट उत्तरदायित्वको भावना र सार्वजनिक हितको दृष्टिकोण लिएर अघि बढे मात्र समाजमा सकारात्मक परिवर्तन सम्भव छ । नयाँवर्षमा यसरी गर्न सकिन्छ संकल्प ।

नेताहरूका लागि संकल्प:

जनताप्रति प्रतिवद्धता जनाउने मात्र होइन, इमानदारीपूर्वक पूरा गर्ने ।
पद, शक्ति र प्रभावको प्रयोग स्वार्थमा नभई, जनहितमा गर्ने ।
विकास, सुशासन र पारदर्शितालाई प्राथमिकता दिने ।
नागरिकको आवाजलाई दबाउने होइन, सम्बोधन गर्ने संस्कारको विकास गर्ने ।

राजनीतिक दलहरूका लागि संकल्प:

लोकतान्त्रिक मूल्य र आदर्शको रक्षा गर्ने ।
विभाजन होइन, सहकार्य र साझा लक्ष्यमा केन्द्रित रहने ।
युवालाई प्रयोग मात्र नगरी नेतृत्वमा सहभागी गराउने ।
जात, धर्म, भाषा र क्षेत्रको आधारमा विखण्डन होइन, एकता सुदृढ गर्ने ।

विद्यार्थीहरूका लागि संकल्प:

शिक्षा मात्र हैन, मूल्य, अनुशासन र चेतनाको विकासमा ध्यान दिने ।
समयको सदुपयोग गर्ने र सामाजिक जिम्मेवारी बोध गर्ने ।
सामाजिक विषयमा सोच राख्ने, तर अन्धभक्त नबन्ने ।
आत्मनिर्भर बन्ने लक्ष्यसहित अध्ययन गर्ने ।

शिक्षकहरूका लागि संकल्प:

विद्यार्थीलाई ज्ञानसंगै जीवनका मूल्य पनि सिकाउने ।
राजनीतिक प्रभावबाट टाढा रही निष्पक्ष शिक्षादान गर्ने ।
नियमित रूपमा आफ्नो ज्ञान र पद्धति अद्यावधिक गर्ने ।
विद्यार्थीको क्षमता विकासका लागि प्रेरक बन्ने ।

प्रहरी/सुरक्षा निकायका लागि संकल्प:

जनताको सेवक बन्ने, सत्ता र शक्तिको हतियार नबन्ने ।
कानुन सबैका लागि बराबर रूपमा कार्यान्वयन गर्ने ।
पारदर्शी अनुसन्धान र निष्पक्ष सुरक्षा प्रणाली स्थापना गर्ने ।
द्वन्द्व समाधानको संयमित मार्ग अंगीकार गर्ने ।

पत्रकार/मिडियाकर्मीहरूका लागि संकल्प:

सत्य, निष्पक्ष र जिम्मेवार पत्रकारिताको अभ्यास गर्ने ।
सामाजिक सद्भाव बिगार्ने सामग्रीभन्दा सत्यको पक्षमा कलम चलाउने ।
आलोचना र प्रशंसाको सन्तुलन राख्ने ।
जनताको आवाज उठाउने, दबाबको सामना गर्न सक्ने ।

स्वास्थ्यकर्मीहरूका लागि संकल्प:

बिरामीप्रति समर्पण र संवेदनशीलता साथ सेवा पुर्‍याउने ।
पेसागत नैतिकता र गोपनीयताको पालना गर्दै उपचारमा भेदभाव नगर्ने ।
सरकारी वा निजी जहाँ भए पनि जनताको पहुँचमा स्वास्थ्य सेवा पुगोस् भन्ने संकल्प गर्ने ।
नियमित रूपमा सीप अद्यावधिक गर्दै नवीन प्रविधिको प्रयोगमा अग्रसर हुने ।
आपतकालीन अवस्थाहरूमा डराएर होइन, नेतृत्वदायी भूमिका निर्वाह गर्ने ।
औषधि, उपकरण र उपचार प्रक्रियामा पारदर्शिता कायम राख्ने ।
स्वास्थ्य क्षेत्रमा हुने भ्रष्टाचार र कमिसन प्रवृत्तिको प्रतिकार गर्ने ।

प्रकाशित मिति: सोमबार, वैशाख १, २०८२ ११:३६

वीरगंज सिटीमा प्रकाशित सामग्रीबारे कुनै पनि प्रतिक्रिया, सल्लाह–सुझाव वा कुनै सामग्री प्रकाशित गराउनुपरेमा [email protected] वा [email protected] मा पठाउन सक्नुहुनेछ।