आगामी आर्थिक वर्ष २०८२/८३ का लागि अर्थ मन्त्रालयले तयारी गरिरहेका विभिन्न प्रकाशन सामग्रीहरू अन्तिम चरणमा पुगेका छन्। मन्त्रालयका प्रवक्ता श्यामप्रसाद भण्डारीका अनुसार आर्थिक सर्वेक्षण, मन्त्रालयगत प्रगति विवरण, प्राविधिक सहायता परिचालन विवरण लगायतका दस्तावेजहरू तयारीको अन्तिम चरणमा छन् ।
त्यस्तै, संस्थानहरूको प्रगति विवरणसमेत अन्तिम सम्पादन प्रक्रियामा पुगेको छ। आगामी आवको बजेटसँगै प्रस्तुत गरिने बजेट वक्तव्य, व्यय अनुमान, आर्थिक विधेयक, विनियोजन विधेयक, राष्ट्र ऋण उठाउने विधेयक र ऋण तथा जमानत विधेयक तयारीमा रहेको मन्त्रालयले जनाएको छ ।
यसअघि अर्थ मन्त्रालयले आगामी आव २०८२/८३ का लागि बजेट सिद्धान्त तथा प्राथमिकता संसदमा पेस गरिसकेको छ। सरकारले आगामी १५ जेठमा बजेट सार्वजनिक गर्ने कार्यक्रम तय गरेको छ ।
