मुम्बई । लोकप्रिय टेलिभिजन रियालिटी शो बिग बोस को नयाँ सिजन अर्थात् बिग बोस १९ को घोषणा गरिएको छ । अभिनेता सलमान खानले यसपटक एक राजनीतिज्ञको गेटअपमा कार्यक्रम सार्वजनिक गरेका छन् ।
सलमानले बिग बोस १९ आगामी २४ अगस्टदेखि प्रशारणमा आउने जानकारी दिएका छन्। यसपटकको सिजनको विषयवस्तु राजनीतिक परिवेशसँग मिल्दोजुल्दो हुने बताइएको छ ।
सलमानले आफ्नो आधिकारिक इन्स्टाग्राम अकाउन्टबाट कार्यक्रमको प्रोमो भिडियो सेयर गर्दै लेखेका छन्,
"म बिग बोसको नयाँ सिजन लिएर फर्किएको छु। र यसपटक, घरका साथीहरूको सरकार विजयी हुनेछ ।"
प्रोमोमा सलमान खानले एक राजनीतिज्ञको पहिरनमा देखिँदै दर्शकहरूलाई चित्ताकर्षक शैलीमा सन्देश दिएका छन् ।
"साथीहरू र शत्रुहरू तयार हुनुहोस्, किनकि परिवारका सदस्यहरूको सरकार बन्नेछ। यो धेरै रमाइलो हुनेछ," उनले भनेका छन् ।
उनले एक तस्बिर पनि सेयर गरेका छन् जसमा लेखिएको छ –
"नयाँ मैदानमा भेटौँला।"
सलमान खान यस कार्यक्रमका लामो समयदेखि होस्ट रहँदै आएका छन् र हरेक सिजनमा फरक प्रयोगले दर्शकहरूलाई आकर्षित गर्ने प्रयास गर्दै आएका छन् ।
