हैजा र झाडापखालाको प्रकोपबीच बिरामीको कुरुवा बसेकी २४ वर्षीया किरण साहलाई तीन दिनदेखि पर्सा प्रहरीले हिरासतमा राखेको घटनाले स्थानीय तहदेखि केन्द्रसम्म चर्को विवाद सिर्जना गरेको छ ।
स्थानीयले नेता कार्यकर्ताले सांसद नहुदै खानेपानी मन्त्री प्रदीप यादवलाई शेरे नेता” भनने गर्थे अहिले उनी एक महिलाले अाक्राेशपुर्ण प्रश्न मिश्रीत धम्कीले शेरे नेता असुरक्षित भएका छन् ।
मन्त्री यादवकाे सचिवालय तथा उनका समर्थकहरूले किरणका कारण असुरक्षित भएको भन्दै नियन्त्रणमा लिन दबाब दिएपछि प्रहरीले पक्राउ गरेको हो । तर, गृहमन्त्रीले भने देशभर कुनै पनि नागरिक असुरक्षित नरहेको दाबी गरेका छन् । साेमबार विहान वीरगंजमा अायाेजित पत्रकार सम्मेलनमा खानेपानी मन्त्री नै असुरक्षित रहेकाे प्रश्नमा उनले कुनै पनि नागरिक असुरक्षित नरहेको दाबी गरेका थिए । गृहमन्त्रीले प्रतिक्रिया दिँदै “देशभर कोही पनि असुरक्षित छैन” भनेका छन् । तर, स्थानीयवासीहरूले भने मन्त्रीकै आडमा किरणलाई थुनिएको आरोप लगाउँदै विरोध जनाएका छन् ।
यता शेरे मन्त्रीलाई धम्काएकाे असुरक्षित रहेकाे समर्थकहरूले समाजिक सञ्जालमा त्यस्तो मनाेसाय व्यक्त गरेका छन् ।
बिरामीको कुरुवाबाट हिरासतसम्म
वीरगन्जस्थित अस्पतालमा आफ्ना बिरामी परिवारको कुरुवा बसिरहेकी किरण साहले हैजाको समस्या नियन्त्रणका बारेमा खानेपानी मन्त्री यादवलाई फोन गरेर प्रश्न उठाएकी थिइन् । सोही आधारमा उनलाई ‘विद्युतीय अपराध, धम्की र अफवाह फैलाएको’ मुद्दा लगाइएर प्रहरीले हिरासतमा लिएको हो ।
किरणकी आमा सावित्री साहले छोरी निर्दोष भएको भन्दै छोड्न माग गरेकी छन् । “पद र पावरको आडमा मेरी छोरीलाई थुन्न पाइन्न,” उनले चेतावनी दिँदै भनिन्, “यदि तत्काल रिहा नगरे अझ धेरै महिलाको उपस्थितिमा आन्दोलन हुन्छ ।”
सोमबार पर्सा प्रहरी कार्यालयअगाडि किरणको रिहाइको माग गर्दै जसपा नेपालकी केन्द्रीय सदस्य करिमा बेगम, जनमत पार्टीकी नेतृ नजमा खातुनसहित विभिन्न संघ–संगठनका प्रतिनिधि र महिला अगुवा सडकमा उत्रिएका थिए । उनीहरूले किरणले सामान्य नागरिकका तर्फबाट प्रश्न मात्र सोधेको भन्दै तत्काल रिहाइको माग गरे ।
प्रश्नमा मात्रै थुनावास ?
किरण साहलाई हिरासतमा राखिएको घटनाले व्यापक आलोचना भईरहेको छ । कानुनविद्हरू भन्छन्, “सरकारलाई प्रश्न सोध्नु अपराध होइन, त्यसलाई विद्युतीय अपराध भनेर मुद्दा चलाउनु लोकतान्त्रिक मूल्य र नागरिक स्वतन्त्रतामाथि कुठाराघात हो ।”
