नेपाल प्रिमियर लिग (एनपीएल) को तेस्रो संस्करणअन्तर्गत आज दोस्रो दिन दुई खेल हुँदैछन् । कीर्तिपुरस्थित त्रिभुवन विश्वविद्यालय (त्रिवि) क्रिकेट मैदानमा हुने खेलमा विराटनगर किङ्स, चितवन राइनोज, कर्णाली याक्स र जनकपुर बोल्ट्सबीच प्रतिस्पर्धा हुनेछ ।
दिनको पहिलो खेलमा विराटनगर किङ्स र चितवन राइनोज आमनेसामने हुनेछन् । खेल दिउँसो साढे १२ बजे सुरु हुनेछ ।
त्यस्तै, दोस्रो खेलमा कर्णाली याक्स र जनकपुर बोल्ट्स भिड्नेछन् । यी दुई टोलीबीचको खेल साँझ ५ बजे सुरु हुने तालिका छ ।
एनपीएलको तेस्रो संस्करणको पहिलो खेलमा सोमबार साविक विजेता लुम्बिनी लायन्सले सुदूरपश्चिम रोयल्सलाई ७ विकेटले पराजित गर्दै प्रतियोगितामा विजयी सुरुवात गरेको थियो ।
आज हुने दुवै खेलले प्रतियोगितामा सहभागी टोलीहरूको प्रदर्शन र अंकतालिकामा स्थान बनाउन महत्त्वपूर्ण भूमिका खेल्ने अपेक्षा गरिएको छ ।
