चितवन प्रहरीले खैरहनी नगरपालिका–१० बडगाउँस्थित केराबारी क्षेत्रमा गाईको मासु काटिरहेको अवस्थामा ६ जनालाई पक्राउ गरेको छ ।
सोमबार दिउँसो करिब १:५० बजे इलाका प्रहरी कार्यालय खैरहनीबाट खटिएको टोलीले छापा मारेर उनीहरूलाई नियन्त्रणमा लिएको जिल्ला प्रहरी कार्यालय चितवनले जनाएको छ । प्रहरी नायब निरीक्षक उज्वलराज चितुवालकाे नेतृत्वमा गएकाे प्रहरी टाेलीले घटनास्थलमा भेटिएका काटिएका गाईका अवशेष, मासु र प्रयोग गरिएका हतियार तथा अन्य सामग्री पनि नियन्त्रणमा लिएको हाे ।
प्रहरीका अनुसार पक्राउ परेकाहरूको नाम–थर गाेप्य राखिएको छ, प्रारम्भिक बयान र प्रमाण संकलनको काम भइरहेकाले नामहरू गाेप्य राखिएकाे चितवन प्रहरीले जनाएकाे छ । प्रहरीका स्राेतका अनुसार घटना संवेदनशील प्रकृतिको भएकाले अनुसन्धान पूर्ण नहुँदासम्म नाम सार्वजनिक नगरिएको हाे ।
उनीविरुद्ध लागूऔषध सम्बन्धी कसूरमा थप अनुसन्धान भइरहेको प्रहरीले जानकारी दिएको छ ।
सम्बन्धित समाचार
