बिरगञ्जस्थित पञ्चमुखी हनुमान मन्दिर, रेलबे रोड, कुम्हालटोलमा श्रीराम कथा आयोजक समिति ले आगामी नयाँ वर्षको अवसर पारेर बैशाख महिनामा भव्य रूपमा श्रीराम कथा आयोजना गर्ने निर्णय गरेको छ ।
समितिका संयोजक गौरी प्रसाद गुप्ता को संयोजन र स्वामी राजीव रंजन भारद्वाज को सानिध्यमा कार्यक्रम सञ्चालन हुने जानकारी आयोजकले दिएका छन् ।
यस सम्बन्धमा आयोजित बृहत छलफल कार्यक्रममा स्थानीय समाजसेवी, युवा र सक्रिय व्यक्तित्वहरूको उल्लेखनीय उपस्थिति रहेको थियो । छलफलमा समितिका सदस्य मुन्ना सोनी, दीपक गुप्ता, अभिलाष गुप्ता, अमर सर्राफ, रामु रायमाझी, दिपेन्द्र साह, हिमांशु साह, मनोज मिश्रा, अक्षय चौधरी लगायतले आफ्नो धारणा राख्दै कार्यक्रमलाई भव्य र सफल बनाउन आवश्यक तयारी अघि बढाउने प्रतिबद्धता व्यक्त गरेका छन् ।
आयोजक समितिका अनुसार, श्रीराम कथालाई धार्मिक तथा सांस्कृतिक महत्वका साथ सम्पन्न गर्ने लक्ष्य राखिएको छ । कार्यक्रममा श्रद्धालु भक्तजनहरूको व्यापक सहभागिता रहने अपेक्षा गरिएको छ भने कथा वाचनबाट समाजमा सकारात्मक सन्देश फैलाउने विश्वास पनि लिइएको छ ।
समितिले निकट भविष्यमा कार्यक्रमको मिति, स्थान र अन्य व्यवस्थापन सम्बन्धी विस्तृत जानकारी सार्वजनिक गर्ने जनाएको छ।
