राष्ट्रिय स्वतन्त्र पार्टी (रास्वपा) ले प्रधानमन्त्री बालेन्द्र शाह नेतृत्वको सरकारमा सहभागी हुने मन्त्रीहरूको नाम टुंग्याउन थालेको छ ।
स्रोतका अनुसार अर्थमन्त्रीमा स्वर्णिम वाग्ले र परराष्ट्रमन्त्रीमा शिशिर खनाल को नाम निश्चित भइसकेको छ ।
यसैगरी कानुनमन्त्रीमा सोविता गौतम लाई जिम्मेवारी दिने निर्णय भएको बताइएको छ ।
रास्वपाका एक शीर्ष नेताले भने, “स्वर्णिम, शिशिर र सोविताको मन्त्रालय फाइनल भइसकेको छ, अन्य नामहरू पनि लगभग टुंगिसकेका छन् ।”
सम्भावित मन्त्रीहरूको सूचीमा सुदन गुरुङ, बिराजभक्त श्रेष्ठ, सस्मित पोखरेल, गनेश पौडेल, विक्रम खनाल, निशा डाँगी, गीता चौधरी र सीता बादी लगायतका नामहरू चर्चामा छन् । यद्यपि, यी नामहरूको औपचारिक पुष्टि भने हुन बाँकी छ ।
स्रोतका अनुसार मन्त्री बन्ने व्यक्तिहरूलाई पार्टी सभापति रवि लामिछाने, प्रधानमन्त्री बन्न लागेका बालेन्द्र शाह र उनको सचिवालयका सदस्यहरूले फोन तथा एसएमएसमार्फत जानकारी दिइसकेका छन् ।
प्रधानमन्त्री शाहले आज दिउँसो साढे १२ बजे पद तथा गोपनीयताको शपथ लिने कार्यक्रम छ । त्यसलगत्तै मन्त्रिपरिषद्का सदस्यहरूको पनि शपथ ग्रहण हुने बताइएको छ ।
यसैबीच सभामुखमा डीपी अर्याल को नाम टुंगो लागेको जनाइएको छ ।
