नयाँ बनेको सरकारको पहिलो मन्त्रिपरिषद् बैठकबाट चारवटा निर्णय सार्वजनिक भएका छन् । सरकारका प्रवक्ता सस्मित पोखरेलले जानकारी दिएका छन् कि बैठकले जेनजी आन्दोलनको दमबारे जाँचबुझ आयोगको प्रतिवेदन कार्यान्वयन गर्ने लगायतका निर्णयहरू गरेको छ ।
आजै प्रधानमन्त्री नियुक्त भएका बालेन शाहले बैठक आह्वान गरेका थिए । बैठकले कार्की आयोगको प्रतिवेदन कार्यान्वयनसमेत गर्ने निर्णय गरेको जनाइएको छ ।
बैठकका मुख्य निर्णयहरू:
शहीद प्रति सम्मान: भदौ २३ र २४ का जेनजी आन्दोलन तथा यसअघि भएका विभिन्न आन्दोलनका सम्पूर्ण ज्ञात–अज्ञात शहीदप्रति सम्मान र श्रद्धाञ्जली व्यक्त गर्ने ।
सरकारको प्रवक्ता: नेपाल सरकारको प्रवक्तामा माननीय शिक्षा, विज्ञान तथा प्रविधि मन्त्रीलाई तोक्ने ।
शासकीय सुधार कार्यक्रम: सरकारको शासकीय सुधारका सय कार्यसूची स्वीकृत गर्ने ( भोलिसम्म प्रकाशित गरिने ) ।
जाँचबुझ आयोगको प्रतिवेदन कार्यान्वयन:
भदौ २३ – २४ को प्रदर्शनका क्रममा भएका घटनाको जाँचबुझ गर्न गौरीबहादुर कार्कीको अध्यक्षतामा गठित आयोगले पेश गरेको प्रतिवेदन कार्यान्वयन गर्ने ।
सुरक्षा संयन्त्र: आयोगले सिफारिस गरेको व्यक्ति र निकायको हकमा अध्ययन समिति गठन गरी सो समितिले पेश गरेको सिफारिसअनुसार कार्यान्वयन गर्ने ।
अन्य सिफारिस: आयोगले गरेको अन्य सिफारिस तत्काल कार्यान्वयन गर्ने ।
यो निर्णयसँगै सरकारले जेनजी आन्दोलनको मर्म र भावना आत्मसात गर्दै प्रतिवेदन कार्यान्वयनमा प्राथमिकता दिने स्पष्ट पारेको छ ।
