सरकारी सूचना तथा विज्ञापनसम्बन्धी विभेदकारी र स्वेच्छाचारी सरकारी निर्णय खारेज गर्नुपर्ने मागसहित नेपाल पत्रकार महासंघ, पर्साले धर्ना कार्यक्रम गरेको छ ।
मिति २०८३/०२/२७ गते बिहान ११ बजेदेखि १२ बजेसम्म जिल्ला प्रशासन कार्यालय, पर्सामा आयोजित धर्नामा पत्रकारहरूले प्रेसको संवैधानिक हकको रक्षा गर्न सरकारसँग माग गरेका थिए । धर्नामा सहभागी पत्रकारहरूले सरकारी सूचना र विज्ञापन वितरणमा देखिएको विभेद अन्त्य गर्नुपर्ने, पारदर्शी र समान नीति लागू गर्नुपर्ने तथा प्रेस स्वतन्त्रता सुनिश्चित गर्नुपर्ने माग राखेका थिए ।
नेपाल पत्रकार महासंघ, पर्साको आह्वानमा गरिएको उक्त कार्यक्रम शान्तिपूर्ण रूपमा सम्पन्न भएको थियो ।
