नेशनल इन्फोटेक कलेजको आयोजनामा वीरगन्जको नारायणी रंगशालामा एनआई क्रिकेट कप २०८१ सुरु भएको छ । प्रतियोगिताको उद्घाटन खेलमा ग्लोबल बिजनेस कलेजले आयोजक एनआई कलेजलाई २६ रनले पराजित गर्दै विजयी सुरुआत गरेको छ ।
उद्घाटन खेलमा एनआई कलेजले टस जितेर पहिले फिल्डिङ रोजेपछि ग्लोबल बिजनेस कलेजले निर्धारित १० ओभरमा ८३ रनको योगफल खडा गर्यो । ८४ रनको लक्ष्य पछ्याउने क्रममा एनआई कलेजको टोली निर्धारित ओभरमा ५७ रनमै समेटियो । उत्कृष्ट प्रदर्शन गर्दै ग्लोबल बिजनेस कलेजले पहिलो खेलमा सानदार जित दर्ता गर्न सफल भएको हो ।
प्रतियोगितामा दोस्रो खेल वीरगन्ज कलेज र सेन्ट जेभियर्स कलेजबीच भइरहेको छ । आयोजकका अनुसार यो खेल १४ ओभरको हुनेछ ।
