वीरगंजमा पछिल्लो समय निजी अस्पताल तथा स्वस्थ्य शिक्षण संस्थाहरूको संख्या बढ्दो छ ।
अस्पतालहरूविच अत्याधुनिक उपकरण भित्र्याउने र विशेषज्ञ सेवा विस्तार गर्ने क्रम पनि बढेको छ । तर, अस्पतालको संख्या र उपकरण थपिए पनि गुणस्तरीय स्वास्थ्य सेवा भने अपेक्षाअनुसार पाउन नसकेको सेवाग्राहीको गुनासो छ ।
पछिल्लो केही बर्षयता वीरगञ्जका अस्पतालहरूमा नयाँ प्रविधि तथा उपकरण जडान गर्ने रफतार बढेका छन् । एमआरआई, सिटी स्क्यानलगायतका अत्याधुनिक उपकरणसहित विशेषज्ञ सेवा विस्तार गरिएको अस्पतालहरूले दाबी गर्दै आएका छन् । तर, सर्वसाधरण विरामीले भने ती सेवा सहज, सहुलियत, प्रभावकारी र गुणस्तरीय रूपमा उपलब्ध हुन नसकेको सेवाग्राहीको आरोप छ ।
(बाईट….. सेवाग्राही)
स्वास्थ्य सेवाको पहुँच विस्तार गर्ने उद्देश्यले नयाँ–नयाँ अस्पताल तथा उपचार प्रणाली सञ्चालनमा आएका हुन् । यहाँका कतिपय अस्पतालमा हेलिकप्टरमार्फत बिरामी ल्याएर उपचार गर्ने तयारीसहित अस्पताल भवनको छतहरूमा हेलिप्याड उत्रन सक्ने किसिमले समेत निर्माण गरिएकाछन् ।
नेशनल मेडिकल कलेज, एशियन डेन्टल कलेजको शिक्षण अस्पताल, वीरगञ्ज हेल्थ केयर हस्पिटल, गण्डक हस्पिटललगायत डेढ दर्जनभन्दा बढी अस्पताल वीरगञ्जमा सञ्चालनमा छन् ।
अस्पतालको संख्या बढे पनि सेवाग्राहीले अपेक्षाअनुसारको सहज, सहुलियत र गुणस्तरीय सेवा पाउन नसकेको गुनासो गर्दै आएका छन् ।
(बाईट….. सेवाग्राही)
वीरगंजमा अत्याधुनिक उपकरण र विशेषज्ञ सेवा विस्तार गर्ने होडसंगै एमआरआई, सिटी स्क्यान, प्याथलोजिलगायतका उपकरणहरू प्रसस्तै भित्रयाउने क्रम पनि चलेको छ । यहाँका केहि अस्पतालले मुटुरोगको उपचारमा अत्याधुनिक प्रविधि प्रयोगमा ल्याएको र विभिन्न रोगको उपचारका लागि काठमाडौं जानुपर्ने बाध्यता अन्त्य समेत गरेको चिकित्सकहरु बताउँछन् ।
बाईट….. चिकित्सक
संघीय राजधानी काठमाडौंमा विशेषज्ञ सेवा सहितका तारे अस्पतालहरू सञ्चालनमा रहेका बेला वीरगञ्जका अस्पतालसामु पनि गुणस्तरीय स्वास्थ्य सेवा विस्तार गर्ने चुनौती छ । विशेषगरी सीमावर्ती भारतीय शहरका विरामीहरूलाई समेत आकर्षित गर्न वीरगञ्जका अस्पतालहरूले सेवा, प्रविधि र विशेषज्ञतामा सुधार गर्नुपर्ने देखिन्छ ।
अस्पतालको संख्या बढाउनु मात्रै स्वास्थ्य सेवाको विकासको सूचक बन्न सक्दैन । त्यसैले पूर्वाधार र उपकरण थप्नुका साथै दक्ष जनशक्ति, विशेषज्ञ सेवा, उपचारको गुणस्तर र सेवाग्राहीको विश्वास बढाउनेतर्फ अस्पताल व्यवस्थापनको ध्यान जान आवश्यक देखिन्छ ।
