बैतडीको ऐरीगाउँलाई केन्द्रबिन्दु बनाएर आइतबार दिउँसो ४.२ म्याग्निच्युडको भूकम्प गएको छ ।
राष्ट्रिय भूकम्प मापन तथा अनुसन्धान केन्द्रका भूकम्पविज्ञ राजेश शर्माका अनुसार आइतबार दिउँसो १ बजेर ६ मिनेटमा ऐरीगाउँ केन्द्रबिन्दु भएर भूकम्प गएको हो ।
भूकम्पको धक्का बैतडीसहित सुदूरपश्चिमका पहाडी जिल्लाहरूमा महसुस गरिएको थियो ।
भूकम्पबाट भएको सम्भावित क्षतिको विवरण भने प्राप्त हुन बाँकी छ।
