लोप हुँदै गएको संस्कृतिको संरक्षणमा विद्यार्थीको पहल, सुगौलीको विद्यालयमा छठ पर्वसम्बन्धी नाटक प्रस्तुत (तस्बिर सहित)

स्थानीय

गृहपृष्ठ
स्थानीय
लोप हुँदै गएको संस्कृतिको संरक्षणमा विद्यार्थीको पहल, सुगौलीको विद्यालयमा छठ पर्वसम्बन्धी नाटक प्रस्तुत (तस्बिर सहित)

लोप हुँदै गएको संस्कृतिको संरक्षणमा विद्यार्थीको पहल, सुगौलीको विद्यालयमा छठ पर्वसम्बन्धी नाटक प्रस्तुत (तस्बिर सहित)

वीरगंज सिटी शुक्रबार, कात्तिक २०, २०८३

लोप हुँदै गइरहेको मौलिक संस्कृति, परम्परा तथा रीतिरिवाजको संरक्षण गर्ने उद्देश्यले पर्साको पटेर्वा सुगौली गाउँपालिका–४, दक्षिण सुगौलीस्थित श्री नेपाल राष्ट्रिय माध्यमिक विद्यालयमा विद्यार्थीहरूले छठ पर्वसम्बन्धी नाटक प्रस्तुत गरेका छन् ।

विद्यालयमा आयोजित कार्यक्रममा विद्यार्थीहरूले छठ पर्वको धार्मिक, सांस्कृतिक तथा सामाजिक महत्त्वलाई नाटकमार्फत प्रस्तुत गरेका हुन्। उनीहरूले परम्परागत विधि, पूजापाठ तथा रीतिरिवाजलाई समेट्दै छठ पर्व मनाउने मौलिक शैलीको प्रदर्शन गरेका थिए ।

नयाँ पुस्तालाई आफ्नो मौलिक संस्कृति, परम्परा र रीतिरिवाजप्रति सचेत गराउनुका साथै भावी पुस्तासम्म सांस्कृतिक पहिचान हस्तान्तरण गर्ने उद्देश्यले कार्यक्रम आयोजना गरिएको विद्यालयले जनाएको छ ।

नाटकमार्फत विद्यार्थीहरूले छठ पर्वको महत्त्व र यसको सांस्कृतिक पहिचानबारे सन्देश दिएका छन् । यस्ता सिर्जनात्मक गतिविधिले विद्यार्थीमा आफ्नो भाषा, संस्कृति र परम्पराप्रतिको अपनत्व बढाउनुका साथै स्थानीय कला तथा संस्कृतिको संरक्षणमा समेत सहयोग पुग्ने विश्वास गरिएको छ ।

‘संस्कृति जोगाऔँ, परम्परा बचाऔँ’ भन्ने सन्देशसहित विद्यार्थीहरूले गरेको यस पहललाई स्थानीय मौलिक संस्कृतिको संरक्षणतर्फको सकारात्मक प्रयासका रूपमा हेरिएको छ ।

प्रकाशित मिति: शुक्रबार, कात्तिक २०, २०८३ १६:०९

वीरगंज सिटीमा प्रकाशित सामग्रीबारे कुनै पनि प्रतिक्रिया, सल्लाह–सुझाव वा कुनै सामग्री प्रकाशित गराउनुपरेमा [email protected] वा [email protected] मा पठाउन सक्नुहुनेछ।