महोत्तरीको भंगहा नगरपालिकाले विद्यालयका छात्राहरूका लागि सेनिटरी प्याड खरिद गर्दा करिब १९ लाख ५० हजार रुपैयाँभन्दा बढीको अनियमितता गरेको पाइएको छ ।
महालेखा परीक्षकको कार्यालयले सार्वजनिक गरेको आर्थिक वर्ष २०८०/८१ को लेखापरीक्षण प्रतिवेदन अनुसार, नगरपालिकाले छात्रा संख्याको यकिन विवरण विना सेनिटरी प्याड खरिद गरी भुक्तानी दिएको छ ।
नगरपालिकाले खरिद गरेको सेनिटरी प्याडमा प्रमाण नपेसै नगरी १९ लाख ५० हजार ३९७ रुपैयाँको भुक्तानी गरिएको उल्लेख छ। महालेखाले स्पष्ट पारेको छ कि प्याडको खरिद कार्य सेनिटरी प्याड (वितरण तथा व्यवस्थापन) कार्यविधि, २०७६ अनुसार हुनुपर्ने हो, जसमा सामुदायिक विद्यालयको छात्रा संख्या, विद्यालयको भण्डारण क्षमता, र बजारमा प्याडको उपलब्धताजस्ता विषयलाई ध्यान दिनुपर्ने व्यवस्था छ ।
तर भंगहाले छात्रा संख्याको यकिन विवरण संकलन नगरी आर्थिक वर्षको अन्त्यतिर एकमुष्ट खरिद गरेको र वितरण नभएको अवस्थामा रकम निकासा गरेको देखिएको प्रतिवेदनमा उल्लेख छ ।
महालेखाले पालिकाले सेनिटरी प्याड वितरणको अवस्था नअनुगमन गरेको र वितरणको सुनिश्चितता पनि नभएको बताएको छ। प्रतिवेदनमा भनिएको छ, “प्याड खरिद तथा वितरण कार्यविधिमा भएको व्यवस्था अनुसार प्याड खरिदको व्यवस्था नअपनाई दोस्रो व्यवस्था अनुसार गरिएको निकासा नियतसम्मत देखिए न।”
यसरी योजना अन्तर्गत आवश्यक प्रक्रिया नअपनाई रकम निकासा गरिएको तथा खरिद खर्च प्रमाणित नगरी भुक्तानी दिइएको भन्दै महालेखाले यसलाई गम्भीर अनियमितता मानेको छ ।
