बारा । नेकपा एमाले नेता महेश बस्नेत मधेस प्रदेश स्तरीय युवा जागरण अभियानमा सहभागी हुन आज बारा आउने कार्यक्रम तय भएपछि जेनजी समूहका युवाहरूले विरोध गरेका छन् । बस्नेत सहभागी हुने भनिएको परवानीपुरस्थित कार्यक्रममा उनी अहिलेसम्म नआए पनि विरोध प्रदर्शनले वातावरण तनावग्रस्त बनेको छ ।
सिमराका जेनजी समूहका युवाहरूले बिहानैदेखि सिमरा विमानस्थल घेराउ गर्दै विरोध जनाइरहेका छन्। विमानस्थल सुरक्षाका लागि जनपथ र सशस्त्र प्रहरीको ठूलो टोली परिचालन गरिएको छ ।
नेता बस्नेतलाई स्वागत गर्न विमानस्थलमा पूर्व मन्त्री तथा एमाले नेता किसान श्रेष्ठ, ज्वालाकुमारी साह, अच्युत मैनालीलगायतका नेताहरू उपस्थित छन् । तर बस्नेत समाचार तयार पार्दासम्म विमानस्थल आइपुगेका थिएनन् ।
बस्नेत बारा आउने सूचना सार्वजनिक भएपछि मंगलबारदेखि नै जेनजी युवाहरूले सामाजिक सञ्जालमार्फत विरोध कार्यक्रम घोषणा गरेका थिए ।
