मानवसेवा आश्रमले जीवन र मरणको पिडामा रहेको एक पुरुषलाई उद्दार गरी अस्पताल पुर्याएका छन् ।
वीरगंज बसपार्कबाट करिब ५० वर्षीय पुरुष गोबिन्द मगरलाई उद्दार गरी मानव सेवा आश्रम ल्याइएको थियो । उनलाई दाहिने आँखा र कानमा घाउसहित अत्यन्तै पीडादायी अवस्थामा फेला पारिएको थियो । उद्धारपछि आज बिहान नारायणी अस्पतालमा सामान्य ड्रेसिङ गरिएको र आँखाको घाउ सफा गरेपछि थप उपचारको लागि नेशनल मेडिकल कलेज पठाइएको छ । हाल उनी नेशनल मेडिकल कलेजमा उपचाररत रहेका छन् ।
उद्धारमा संलग्न व्यक्तिहरूले बताएका छन्, “हामीले आफ्नो तर्फबाट सबै सम्भव प्रयास गरिरहेका छौं । पीडा सहन नसकेर उहाँले ‘बरुलाई विष देउ, मलाई एकदम गारो भयो’ जस्तो कुरा गर्नुभएको थियो ।”
स्थानीयका अनुसार बसपार्कमा करिब ५–७ दिन अघि मात्र आएका थिए । उनले आफ्नो घरको ठेगाना स्पष्ट भन्न सक्ने अवस्था नरहेकाे र उनले आफ्नो नाम गोबिन्द मगर, बुवा मोमबहादुर, दाइ–भाइ विष्णु मगर भएको जानकारी दिएका छन् । आश्रमका कर्मचारीहरूले परिवार र घरको ठेगाना पत्ता लगाउन प्रयासरत रहेको बताएकाे छ ।
उद्धार र उपचारमा सहयोग गर्नेहरूमा आश्रमका अभिभावक प्रकाश थारु, नारायणी अस्पतालका डा. चितरंजन शाह, अस्पतालका कर्मचारी हरि गुप्ता, दृष्टि आँखा अस्पताल परिवार, जितेश दास र मानव सेवाका कर्मचारीहरू रहेका थिए ।
सम्बन्धित समाचार
