पर्सा निर्वाचन क्षेत्र नम्बर १ का प्रतिनिधिसभा उम्मेदवार प्रदीप यादवले विगतमा दिएका भाषणकै कारण अहिले विभिन्न स्थानमा विरोधको सामना गर्नुपरेको छ ।
जनता समाजवादी पार्टी (जसपा) बाट जसपा नेपाल हुँदै हालै नेकपा एमालेमा प्रवेश गरी प्रतिनिधिसभा सदस्यको उम्मेदवार बनेपछि यादवविरुद्ध विरोध सुरु भएको हो । विगतमा आफूले दिएका अभिव्यक्तिअनुसार नै अहिले स्थानीयस्तरमा विरोध भइरहेको बताइएको छ ।
निर्वाचन लड्न पाउने सबैकाे अधिकार हाे, तर पर्सा क्षेत्र नम्बर १ मा यादवकाे विराेध निर्वाचन नलड्ने पाउने गरी कडा रूपमा भइरहेकाे छ । मन्त्री यादवले २०७९ सालको निर्वाचनका क्रममा एमालेका नेता–कार्यकर्तालाई ‘करखाई, हाँडी र झाडुले स्वागत गर्ने’ भनी दिएको भाषण अनुसार वीरगंज महानगरपालिका वडा नं. १२ मुर्ली पोखरामा आयोजना गरिएको पार्टी प्रवेश कार्यक्रमलाई लक्षित गर्दै सोही अभिव्यक्तिलाई आधार मानेर स्थानीयले करखाइ हाडीकाे व्यवस्था गरिरहेकाे भिडियाे सार्वजनिक भएकाे छ । एमालेका विभिन्न वडा, समितिहरू यादवकाे पक्षमा भएपनी उनकाे स्थानीय स्तरमा विरोध चर्किन थालेको देखिन्छ ।
मुर्ली पोखरामा आयोजित निर्वाचन लक्षित कार्यक्रममा यादव एमालेमा प्रवेश गरेको विरोधमा स्थानीयले आक्रोश व्यक्त गर्दै आक्रमणको तयारी गरेको दाबी गरिएको भिडियो समेत सार्वजनिक भएका छन् । यस्तै, नगवा पोखरी अगाडि आयोजित अर्को कार्यक्रममा पनि स्थानीयवासीले यादवविरुद्ध नाराबाजी गर्दै विरोध जनाउदैँ भगाएकाे भिडियाेहरूमा दाबि गरिएकाे छ ।
पुर्वमन्त्री यादवले मधेशका मुद्दालाई बेवास्ता गर्दै एमालेमा प्रवेश गरेको आरोप लगाउँदै सामाजिक सञ्जालदेखि सार्वजनिक कार्यक्रममा समेत उनकाे विरोध भइरहेको देखिन्छ ।
