कृषि मन्त्री रामनाथ अधिकारी र मन्त्रालयका सचिव दिपक कुमार खराल सहितको टोलिले कृषि औजार कारखाना अवलोकन भ्रमण गरेका छन् ।
भ्रमणको क्रममा मन्त्री अधिकारीले कृषि औजार कारखाना सञ्चालनका लागि कुनै ठोस आश्वासन भने दिएनन् । मन्त्री अधिकारीले कारखानामा निर्मित १६ प्रकारका साना औजारहरूको नमुना निरीक्षण गरे । उनले अवलोकनको क्रममा उल्लेखनीय कुनै ठोस प्रतिबद्धता जनाउन भने सकेनन्, तर आफूले अवलोकन गरेका विषयमा मन्त्रिपरिषद बैठकमा कुरा उठाउने मात्र बताए ।
मन्त्री अधिकारी र सचिव खराल सहित मन्त्रालयको टोली अरु मन्त्रीहरुले भ्रमण जस्तै गरी फर्किए । कृषि मन्त्रीले मन्त्रालयमा छलफल गरेर कसरी अगाडि बढ्ने र कारखाना सञ्चालनमा कसरी सहयोग गर्ने भन्ने विषयमा जानकारी भने दिने प्रतिज्ञा गरेको मन्त्रीसँगै आएका एक सहभागीले बताए ।
सरकारी कामको सिलसिलामा मुलुकभित्र भ्रमण गर्नुपर्दा मन्त्रीहरूले यातायातको टिकट खरिद वा हवाई यातायात बाहेक अन्य साधनबाट भ्रमण गरे वापत प्रति कोष १५ रुपैयाँको दरले खर्च, बासको सुविधा लगायतका भत्ताहरू कानुनी व्यवस्था अनुसार पाउने प्रावधान छ । उपलब्धी विनाको भ्रमण गरे पनि भत्ता भने कृषि मन्त्रीले पाउने देखिन्छ ।
यस भ्रमणले कृषि औजार कारखाना सञ्चालनका लागि तत्कालको कुनै ठोस पहल नगरेकोले, कारखानाको भविष्यप्रति अझै अन्योलता कायमै छ।
कारखाना चलाउन वैज्ञानिक महाविर पुनःले आफ्नो आत्मकथाको किताब बेच्न ठाउँ ठाउँमा डुलेर ९ करोड रुपैयाँ भने संकलन गरिसकेको छ ।
थप याे पनी !
