बारा | सडक डिभिजन कार्यालय हेटौंडाले महेन्द्र राजमार्गअन्तर्गत पथलैया देखि चुरियामाईसम्मको सडक क्षेत्रमा रहेका अनाधिकृत संरचना हटाउन तीन दिनको अल्टिमेटम दिएको छ ।
कार्यालयले सार्वजनिक सडक तथा सडक सीमाभित्र सडक विभागको स्वीकृति बिना निर्माण गरिएका घर तथा टहरा हटाउन यसअघि पनि विभिन्न मितिमा सूचना जारी गरेको थियो । २०७३ मंसिर १८ र २०८० असार ९ गते जारी सूचनालाई अटेर गरिएको भन्दै पुनः वैशाख १० गतेभित्र संरचना हटाउन निर्देशन दिइएको हो ।
डिभिजन कार्यालयका प्रमुख गुरुप्रसाद अधिकारीले सोमबार सूचना जारी गर्दै महेन्द्र राजमार्गअन्तर्गत पथलैया–चुरियामाई खण्डको ३ नं पुलदेखि चुरियामाई मन्दिर क्षेत्रसम्म सडकको केन्द्रबाट दायाँबायाँ २५/२५ मिटरभित्र रहेका सबै घर तथा टहरा हटाउन आग्रह गरेका छन् ।
कार्यालयले तोकिएको समयभित्र संरचना नहटाए सार्वजनिक सडक ऐन, २०३१ तथा प्रचलित कानुनअनुसार कारबाही गरिने चेतावनी दिएको छ ।
सुचना
