खानेपानी मन्त्री तथा जसपाका उपमहासचिव प्रदीप यादवले पार्टीको संगठनलाई सुदृढ बनाउन र जनतासँगको पहुँच बलियो बनाउन आह्वान नेता कार्यकर्ताहरूलाइ निर्देशन दिएका छन् ।
वीरगंजमा आयोजित जसपा जिल्ला कार्यसमिति पर्साको बैठकमा बोल्दै उनले जनताको समस्यालाई प्राथमिकतामा राखेर काम गर्न नेताहरुलाई निर्देशन दिएका हुन् । उनले भने, “हामीले जनताको विश्वास जित्नु छ, त्यसका लागि जिम्मेवारीपूर्वक काम गर्नुपर्छ। विकासका कामलाई प्राथमिकता दिनुपर्छ जसले जनताको जीवनमा प्रत्यक्ष प्रभाव पार्छ ।”
बैठकमा वीरगंज महानगरपालिकाका मेयर तथा पार्टीका केन्द्रीय सदस्य राजेशमान सिंहले पनि पार्टीलाई सुदृढ बनाउन र जनताको सेवा गर्न सबै नेताहरू एकताबद्ध हुनु आवश्यक रहेको बताएका थिए । त्यसैगरी, जसपा पर्साका संयोजक तथा बहुदरमाई नगरपालिकाका मेयर सिंहासन साह तेलीले पार्टीलाई सफल बनाउन सक्रियताका साथ काम गर्न आग्रह गरेका थिए ।”
बैठकमा जिल्ला समितिका पदाधिकारीहरू, विभिन्न स्थानीय तहका प्रतिनिधि, तथा पार्टीका अन्य सदस्यहरूको उपस्थिति रहेको थियो ।
