काठमाडौँ । पूर्वअर्थमन्त्री विष्णु पौडेललाई विशेष सरकारी वकिलको कार्यालयमा लगिएको छ। उनलाई माइतीघरस्थित विशेष सरकारी वकिलको कार्यालयमा उपस्थित गराइएको हो ।
कानुनी व्यवस्थाअनुसार पक्राउ परेका व्यक्तिलाई हिरासतमा राख्न आवश्यक म्याद थपका लागि सरकारी वकिलमार्फत विशेष अदालतमा पेस गर्नुपर्ने प्रावधान रहेको छ। सोही प्रयोजनका लागि पौडेललाई सरकारी वकिलको कार्यालयमा लगिएको जनाइएको छ ।
पौडेललाई सोमबार सम्पत्ति शुद्धीकरण अनुसन्धान विभागको पत्रका आधारमा सुर्खेतबाट पक्राउ गरिएको थियो। उनी वीरेन्द्रनगर नगरपालिका–३ स्थित शुभ होटलबाट पक्राउ परेका थिए ।
पक्राउपछि उनलाई स्थलमार्ग हुँदै काठमाडौँ ल्याइएको थियो। आज बिहान राजधानी ल्याइएका पौडेलमाथि अनुसन्धान प्रक्रिया अघि बढाइएको सम्बन्धित निकायले जनाएको छ ।
