वीरगंज महानगरपालिकाका मेयर राजेशमान सिंहले दुर्ववहार गरेकाे विरूद्धमा माफी माग्नुपर्ने माग सहित जारी रिले अनसन अाज पाचौं दिन पनि जारी रहेको छ । यसबाट कानुन मन्त्री कै जिल्लामा न्यायकाे खाडल देखिएको छ ।
बाढीले अठरा सुगौली र अलौमा जमेको पानीकाे निकासका लागि भएको विवादलाई लिएर वीरगंज महानगरका नगर प्रहरी, स्थानीय अलाैवासी र मेयर राजेशमान सिंहसंग भएको घम्साघम्सीकाे क्रममा जेष्ठ नागरिक तथा नेपाली कांग्रेसका बुथ सभापति शिवओम लामिछाने माथि दुर्ववहार भएको थियोे ।
दशैँको उल्लासका बीच जेष्ठ नागरिक तथा कांग्रेसी नेताको परिवार न्यायको लागि सडकमा बस्न बाध्य भएको देख्दा स्थानीयमा असन्तुष्टि बढ्दै गएको छ । संघीय सरकारमा कांग्रेसका नेता रमेश लेखक गृहमन्त्री र अाफ्नै जिल्लाका कानुन मन्त्री अजय चाैरसिया भएपनी अाफ्नै पार्टिका जेष्ठ नागरिकलाई न्याय दिन सकेको छैन् ।
महानगरका मेयर राजेशमान सिंहको निर्देशनमा दुर्व्यवहार भएको भन्दै कानून, न्याय तथा संसदीय मामिला मन्त्री अजय चौरसिया, मधेस प्रदेश सरकारका भूमि व्यवस्था, कृषि तथा सहकारी मन्त्री जनार्दन सिंह क्षेत्री, नेपाली कांग्रेस पर्साका पूर्व सभापति राजेन्द्रबहादुर अमात्य, एमालेका नेता तथा पुर्व मेयर विजय सरावगी लगायत विभिन्न दलका नेताहरूले बुथ सभापति लामिछानेकाे धर्नामा सहनुभुति जनाउँदै दाेषिलाई कार्वाही गर्न माग गरेका छन् । तर दुर्भाग्य अाफै सरकारमा रहेर न्याय दिन सकेका छैनन् ।
यसअघि, नेविसंघ पर्साका अध्यक्ष रमेश यादवको नाक भाँचिएको घटना जसमा मेयर सिंहका समर्थकहरूले आक्रमण गरेको आरोप थियो, त्यसमा पनि कांग्रेसले ठोस अडान नलिएर मात्र कर्मकाण्डी विरोध गरेको आरोप लाग्दै आएको छ ।
शिवओम लामिछाने मधेस प्रदेशका मन्त्री जनार्दन सिंह क्षेत्रीका भिनाजु हुन् । घटना क्रममा शिवओम र उनका भान्जा सुदर्शन लामिछानेको टाउकोमा गहिरो चोट लागेर ६ वटा टाँका लागेको छ । आफ्नो परिवारमाथि भएको अन्यायप्रति जनार्दन सिंह क्षेत्रीले ठोस कदम नचालेको भन्दै उनकाे समेत आलोचना समेत हुन थालेको छ ।
यस घटनासँगै कांग्रेसका कतिपय नेताहरू दुई तिन कितामा उभेका छन् । मेयरसंग फाइदा लिने, झुटमुटकाे विराेध गर्ने र कतिपय न्यायकाे पक्षमा समेत उभेकाे देखिन्छ ।
