बलिउड अभिनेता गोविन्दा र उनकी पत्नी सुनिता आहुजाको वैवाहिक सम्बन्धलाई लिएर चलिरहेको विवादले नयाँ मोड लिएको छ।
सुनिताले करिब दुई वर्षअघि दायर गरेको सम्बन्धविच्छेदको मुद्दा फिर्ता लिएपछि गोविन्दा र अभिनेत्री कोमल रानी स्वर्णकारबीच विवाहको योजना रहेको दाबी गरेकी छन्।
भारतीय सञ्चारमाध्यम हिन्दुस्तान टाइम्सका अनुसार सुनिताले अभिनेत्री राखी सावन्तसँग फोन कुराकानी गर्दै आफूले सम्बन्धविच्छेदको मुद्दा फिर्ता लिनुको कारण खुलाएकी हुन्। समाचारअनुसार राखीले केही युट्युबरसँग कुरा गरिरहेका बेला सुनितासँग फोनमा कुराकानी गरेकी थिइन्।
सुनिताले आफूले सम्बन्धविच्छेदको निवेदन फिर्ता लिनुको कारण गोविन्दा र कोमल विवाह गर्ने योजनामा रहेको बताइन्। उनले कोमलसँग गोविन्दालाई सँगै देख्दा आफूलाई निकै दुःख लागेको पनि बताएकी छन्।
राखीले सुनितालाई आफ्नो आर्थिक अधिकार सुरक्षित गर्न सुझाव दिएकी थिइन्।
यसअघि गोविन्दा र कोमललाई विमानस्थलमा सँगै देखिएपछि उनीहरूको सम्बन्धबारे चर्चा चुलिएको थियो। त्यसपछि सुनिताले गोविन्दालाई कोमलको ‘सुगर ड्याडी’ भन्दै टिप्पणी गरेकी थिइन्।
गोविन्दाले भने सुनिताको अभिव्यक्तिप्रति असन्तुष्टि जनाउँदै सार्वजनिक रूपमा भाषा प्रयोग गर्दा सावधानी अपनाउन आग्रह गरेका थिए।
सुनिता अगस्ट १९ (गत बुधबार) मा छोरा यशवर्धनसँग मुम्बईको बान्द्रा फेमिली कोर्ट पुगेकी थिइन्। गोविन्दाका व्यवस्थापक शशी सिन्हाले सुनिताले सम्बन्धविच्छेदको मुद्दा फिर्ता लिएको पुष्टि गरेका छन्।
ल्अभिि
यसैबीच, गोविन्दा करिब सात वर्षपछि फिल्म (रूपा) मार्फत ठूलो पर्दामा फर्किने तयारीमा छन्। फिल्ममा कोमल रानी स्वर्णकार मुख्य अभिनेत्रीका रूपमा देखिँदैछिन् भने गोविन्दा फिल्मका निर्मातासमेत हुन्।
