काठमाडौं । जनता समाजवादी पार्टी नेपालका संरक्षक एवं राष्ट्रिय सभा सदस्य महन्थ ठाकुरको मुटुको पेसमेकर सफलतापूर्वक प्रतिस्थापन गरिएको छ ।
काठमाडौंस्थित शहीद गंगालाल राष्ट्रिय हृदय केन्द्रमा ठाकुरको पेसमेकर प्रतिस्थापन गरिएको हो । यसअघि उनले भारतस्थित अस्पतालमा पेसमेकर लगाएका थिए ।
चिकित्सकहरूका अनुसार पेसमेकर प्रतिस्थापनपछि ठाकुरको स्वास्थ्य अवस्था सामान्य रहेको छ । उपचार सफल भएपछि उनलाई आजै अस्पतालबाट डिस्चार्ज गर्ने तयारी भइरहेको जनाइएको छ ।
