तेरापन्थ युवक परिषद् वीरगंजले हुलास हिप्को (लालपर्सा) को सहयोगमा रक्तदान शिविर आयोजना गरेको छ।
रक्तदान शिविरमा ५० जनाले रक्तदान गरेका छन्। त्यसैगरी, तेरापन्थ जैन भवनमा आयोजना गरिएको रक्तदान शिविर महिलाहरूका लागि मात्रै सञ्चालन गरिएको थियो। उक्त शिविरमा १५ जना महिलाले रक्तदान गरेका छन्।
महिलाहरूका लागि आयोजना गरिएको रक्तदान शिविर नेपाल अग्रवाल महिला मञ्चसँगको सहकार्यमा सञ्चालन गरिएको थियो। कार्यक्रममा नेपाल अग्रवाल महिला मञ्चकी अध्यक्ष नूतन सरावगीसहित मञ्चका सदस्यहरूको सहभागिता रहेको थियो।
कार्यक्रममा तेरापन्थ युवक परिषद्का अध्यक्ष सुनील दुगड, रक्तदान संयोजक सौरभ भुटोरिया, रक्तदान अन(कलबका आशीष चोरडिया, पंकज बैद र अनिल बैदलगायतको उल्लेखनीय उपस्थिति रहेको थियो।
