बाराको पचरौता नगरपालिका क्षेत्रमा प्रहरीले ५५ किलो गाँजासहित एक जनालाई पक्राउ गरेको छ ।
जिल्ला प्रहरी कार्यालय बाराका अनुसार इलाका प्रहरी कार्यालय सिम्रौनगढबाट खटिएको प्रहरी गस्ती टोलीले पचरौता नगरपालिका–६ मा गस्ती गर्ने क्रममा शंकास्पद रूपमा हिँडिरहेका एक व्यक्तिलाई चेकजाँच गरेको थियो ।
चेकजाँचका क्रममा पचरौता नगरपालिका–३, रामनगर टोल निवासी करिब ४५ वर्षीय राजकिशोर प्रसाद यादवको साथबाट ५५ किलो गाँजा बरामद भएको प्रहरीले जनाएको छ । गाँजासहित पक्राउ परेका यादवलाई नियन्त्रणमा लिएर इलाका प्रहरी कार्यालय सिम्रौनगढबाट थप अनुसन्धान भइरहेको जिल्ला प्रहरी कार्यालय बाराले जनाएको छ ।
जिल्ला प्रहरी कार्यालय बाराका सूचना अधिकारी तथा प्रहरी नायब उपरीक्षक मिनबहादुर घलेले जारी गरेको प्रेस विज्ञप्तिमार्फत उक्त जानकारी सार्वजनिक गरिएको हो ।
भिडियाे रिपाेर्ट
