नेकपा एमालेका नेता जालिम मियाँका दुई छोरा कर्तव्य ज्यान तथा शान्तिविरुद्धको कसुरसम्बन्धी मुद्दामा पुर्पक्षका लागि कारागार चलान भएका छन्।
पर्सा जिल्ला अदालतले शुक्रबार नसिर अहम्मद मन्सुरी र जाफिर अहम्मदलाई मुद्दाको अन्तिम फैसला नहुँदासम्म कारागारमा राख्न आदेश दिएको हो ।
पर्सा प्रहरीका प्रवक्ता प्रहरी नायब उपरीक्षक (डीएसपी) चक्र मल्लले अदालतको आदेशअनुसार दुवै जनालाई कारागार चलान गरिएको जानकारी दिएका छन् ।
प्रहरीका अनुसार दुवै जनाविरुद्ध आफ्नै सालीको हत्या गरेको आरोपमा मुद्दा दर्ता भएको थियो । घटनाको अनुसन्धानका क्रममा प्रहरीले केही साताअघि उनीहरूलाई पक्राउ गरेको थियो ।
अनुसन्धान पूरा गरी प्रहरीले दुवै जनालाई अदालतमा पेस गरेपछि अदालतले पुर्पक्षका लागि कारागारमा राख्ने आदेश दिएको हो ।
अदालतको आदेशसँगै मुद्दाको अन्तिम किनारा नलागेसम्म दुवै जना कारागारमै रहनेछन् । उनीहरूमाथि लागेको आरोपको अन्तिम निरूपण भने अदालतको फैसलापछि हुनेछ ।
