सिराहाको गोलबजार नगरपालिका–४ निपनिया चोकबाट खैरो हेरोइनजस्तो देखिने पदार्थ ५३ ग्राम ३० मिलिग्रामसहित दुई जना पक्राउ परेका छन्।
आइतबार दिउँसो प्रहरीले सुखिपुर नगरपालिका–५ का ३१ वर्षीय अजय कुमार यादव र सुखिपुर नगरपालिका–१० का २५ वर्षीय अरबिन्द कुमार यादवलाई पक्राउ गरेको हो।
लागूऔषध नियन्त्रण ब्यूरो शाखा कार्यालय बर्दिवास, महोत्तरीसमेतबाट खटिएको प्रहरी टोलीले उनीहरू सवार मधेश प्रदेश ०१–००६ प ५१३९ नम्बरको मोटरसाइकल जाँच गर्ने क्रममा उक्त पदार्थ र एक थान डिजिटल तराजु फेला पारेको थियो।
प्रहरीले बरामद पदार्थ, डिजिटल तराजु र मोटरसाइकलसहित दुवै जनालाई नियन्त्रणमा लिएर थप अनुसन्धान अघि बढाएको जनाएको छ।
