दीपावलीका अवसरमा पटका पड्काउने क्रममा पर्सामा जलेर पाँच वर्षीय बालकको मृत्यु भएको छ ।
जिल्लाको पकहाँमैनपुर गाउँपालिका–२ मधुबनीमा सोमबार बिहान पटका पड्काउने क्रममा आगो लागेर बालकको मृत्यु भएको प्रहरीले जनाएको छ ।
इलाका प्रहरी कार्यालय पोखरियाका प्रहरी निरीक्षक भानुभक्त अर्यालका अनुसार स्थानीय मखु सहनीका पाँच वर्षीय छोराको पटका पड्काउने क्रममा शरीरमा आगो लागेको थियो। आगोले जलेर बालक बेहोस भएपछि उपचारका लागि वीरगञ्जस्थित तराई अस्पतालमा भर्ना गरिएको थियो ।
तर, उपचारकै क्रममा बालकको मृत्यु भएको जिल्ला प्रहरी कार्यालय पर्साले पुष्टि गरेको छ ।
घटनाबारे थप अनुसन्धान भइरहेको प्रहरीले जनाएको छ ।
