काठमाडौं । प्रधानमन्त्री बालेन शाहको आगामी भारत भ्रमणमा उनीसँगै सहभागी हुने मन्त्रीहरूको टुंगो लागेको छ । प्रधानमन्त्रीको नेतृत्वमा भारत जाने प्रतिनिधिमण्डलमा चार जना मन्त्री सहभागी हुने भएका छन् ।
परराष्ट्र मन्त्रालय स्रोतका अनुसार भ्रमण टोलीमा परराष्ट्रमन्त्री शिशिर खनाल, पूर्वाधार विकासमन्त्री सुनिल लम्साल, ऊर्जामन्त्री विराजभक्त श्रेष्ठ र पर्यटनमन्त्री खडकराज पौडेल ‘गनेश’ सहभागी हुने निश्चित भएको छ ।
मन्त्रीहरूसँगै प्रधानमन्त्री शाहको सचिवालयका केही सदस्यसमेत भारत भ्रमणमा जाने तयारी गरिएको छ । स्रोतका अनुसार प्रधानमन्त्रीका सल्लाहकार कुमार बेन र राजनीतिक सल्लाहकार असिम शाह पनि भ्रमण टोलीमा सहभागी हुनेछन् ।
प्रधानमन्त्री बालेन शाहको भारत भ्रमण आगामी नोभेम्बर २३ देखि २५ गतेसम्म अर्थात् मंसिर ७ देखि ९ गतेसम्म हुने तयारी भइरहेको छ ।
उक्त भ्रमणलाई नेपाल–भारतबीचको द्विपक्षीय सम्बन्ध, आपसी सहकार्य तथा विभिन्न विकासका विषयमा छलफल गर्ने महत्वपूर्ण अवसरका रूपमा हेरिएको छ ।
