वीरगंजमा जारी दुबै वीरगंज नर्सिङ्ग क्याम्पस र ठाकुर राम क्याम्पसको मतगणना रोकिएको छ ।
हिजैदेखी वीरगंज नर्सिङ्ग क्याम्पसमा रोकिएको मतगणना अझैसम्म सुरु भएको छैन् भने ठाकुर राम बहुमुखी क्याम्पसको मतगणना सुरु भइसकेर झण्डै १५ सय मत गणिसक्दा सिलबन्दी नम्बर उम्मेदवारका प्रतिनिधिसँग मेल नखाएपछि मतगणना रोकिएको हो ।
निर्वाचन समितिका अनुसार मंगलबार मतदान सम्पन्न भएलगत्तै मतपेटिकामा सिलबन्दी गरी उम्मेदवारका प्रतिनिधिहरूलाई सो नम्बर दिइएको थियो । तर, बिहीबार दिउँसो मतपेटिका खोल्ने क्रममा प्रतिनिधिहरूसँग रहेको नम्बर र मतपेटिकामा रहेको नम्बर मेल नखाँदा विवाद उत्पन्न भएको हो ।
यस घटनापछि मतगणनामा संलग्न उम्मेदवारका प्रतिनिधिहरूले क्याम्पस प्रशासन र निर्वाचन समितिविरुद्ध नाराबाजी गर्दै प्रदर्शन गरेका छन् ।
मतगणना रोकिँदा मतगणनास्थलमा तनाब सिर्जना भएको छ भने पत्रकारहरूको प्रवेशसमेत निषेध गरिएको छ ।
यसअघि सार्वजनिक गरिएको पछिल्लो मतपरिणामअनुसार सभापति पदमा राजकुमार यादव ४२० मतसहित अग्रस्थानमा छन् । विकास मण्डल धानुक २६१ मतका साथ दोस्रो स्थानमा छन् भने सुधिर पटेल समूहका उम्मेदवार कमलेश यादवले २०४ मत प्राप्त गरेका छन् । पाँचौं स्थानमा अनेरास्ववियुका पवन यादव १५० मतसहित रहेका छन् ।
निर्वाचन समितिले उत्पन्न विवाद समाधान गर्न पहल गरिरहेको जनाएको छ ।
