सुनसरी । आम जनता पार्टी (आजपा)का अध्यक्ष तथा पूर्वमन्त्री प्रभु साहले प्रधानमन्त्री केपी शर्मा ओलीको नेतृत्वमा मुलुकमा बेथिति र भ्रष्टाचारको अवस्था बढ्दै गएको दाबी गरेका छन् । उनले नेपाली कांग्रेसलाई पनि उक्त स्थिति साक्षी भएको टिप्पणी गरे ।
१३६औँ अन्तर्राष्ट्रिय श्रमिक दिवसको अवसरमा आज सुनसरीको इनरुवामा आजपा निकट आम ट्रेड युनियन फेडरेसनद्वारा आयोजित कार्यक्रममा साहले यसो भने ।
‘मुलुकमा बेथिति, भ्रष्टाचार, अनियमितता बढ्दै गइरहेको छ । प्रधानमन्त्रीजी हरेक क्षेत्रमा असफल भएका छन् र कांग्रेस पनि यसका साक्षी बनेको छ,’ उनले भने, ‘आम जनताले परिवर्तन र निकास खोजिरहेका छन् । एक गभर्नर नियुक्त गर्न नसक्ने सरकारले देश कसरी चलाउँछ ? सरकारले मुलुकलाई अन्योल बनाएको छ । यसरी मुलुक अगाडी बढ्न सक्दैन ।’
प्रधानमन्त्री ओलीको स्टन्टले नेपालका वैदेशिक सम्बन्ध बिग्रँदै गएका कारण सरकारलाई आलोचना गर्दै, साहले विदेशमा काम गरिरहेका श्रमिकहरूको समस्यामा सरकार मौन रहेको आरोप लगाए ।
‘नेपाल र विदेशमा श्रमिकहरूको समस्यामा सरकार कुनै कदम नचालेको छ,’ उनले भने ।
कार्यक्रममा आम ट्रेड युनियन फेडरेशनका अध्यक्ष शिव थापाको अध्यक्षतामा आजपाका सहअध्यक्ष तिलक थापा, बिल्टू यादव, जुरीलाल मोची लगायतका नेताहरूको सहभागिता थियो।
यसैगरी आम ट्रेड युनियन फेडरेशन केन्द्रीय समितिको आयोजनामा काठमाडौंमा १३६औं अन्तर्राष्ट्रिय श्रमिक दिवस मनाइएको छ ।
