रौतहटको चन्द्रपुर नगरपालिका–२ अन्तर्गत पूर्व–पश्चिम राजमार्गमा आज बिहान यात्रुवाहक बस दुर्घटना हुँदा १० जना यात्रु घाइते भएका छन् ।
काठमाडौँबाट महोत्तरीको भिठ्ठामोडतर्फ जाँदै गरेको बा.प्र.०१–००६ ख ५२१६ नम्बरको यात्रुवाहक बस बिहान करिब ४ः३० बजे अनियन्त्रित भई सडकको दक्षिण किनारमा झन्डै ७ फिट तल खसेको इलाका प्रहरी कार्यालय चन्द्रनिगाहपुरले जनाएको छ । दुर्घटनामा घाइते भएका १० जना यात्रुमध्ये अधिकांशको अवस्था सामान्य रहेको र उनीहरूको स्थानीय अस्पतालमा उपचार भइरहेको प्रहरीले जनाएको छ । बसमा कुल २५ जना यात्रु सवार थिए ।
इलाका प्रहरी कार्यालय चन्द्रनिगाहपुरका प्रमुख डीएसपी राजकुमार राईका अनुसार दुर्घटनापछि बस चालक फरार भएका छन् । बस सडक किनारमै पल्टिएको अवस्थामा भेटिएको हो ।
घटनापछि प्रहरी टोली घटनास्थलमा पुगेको छ र चालकको खोजी भइरहेको जानकारी दिइएको छ ।
