वीरगञ्जलाई कुशासनमुक्त बनाउँने संकल्पका साथ पर्सा–२ काे मा रास्वपा उम्मेदवार सुशील कुमार कानुको घरदैलो

चुनाव विशेष

Home
चुनाव विशेष
वीरगञ्जलाई कुशासनमुक्त बनाउँने संकल्पका साथ पर्सा–२ काे मा रास्वपा उम्मेदवार सुशील कुमार कानुको घरदैलो

वीरगञ्जलाई कुशासनमुक्त बनाउँने संकल्पका साथ पर्सा–२ काे मा रास्वपा उम्मेदवार सुशील कुमार कानुको घरदैलो

राष्ट्रिय स्वतन्त्र पार्टी (रास्वपा) का तर्फबाट पर्सा निर्वाचन क्षेत्र नं. २ का प्रतिनिधिसभा सदस्य उम्मेदवार सुशील कुमार कानुले बुधबार वीरगञ्ज महानगरपालिका–६ माइस्थान तथा वडा नं. ९ घण्टाघर–पानमण्डी क्षेत्रमा घरदैलो अभियान सञ्चालन गरेका छन् ।

विभिन्न टोलमा मतदातासँग प्रत्यक्ष भेटघाट गर्दै उनले औद्योगिक तथा व्यापारिक सहर वीरगञ्जलाई कुशासनमुक्त बनाई व्यवसायमैत्री वातावरण निर्माण गर्ने प्रतिबद्धता जनाएका थिए । उनले मतदातालाई रास्वपाको चुनाव चिह्न ‘घण्टी’मा मतदान गर्न आग्रह गरेका थिए । कानुले विगत चार दशकदेखि चल्दै आएको राजनीतिक अभ्यासले जनताको जीवनस्तरमा अपेक्षित सुधार ल्याउन नसकेको टिप्पणी गर्दै समृद्ध नेपाल निर्माणका लागि नयाँ राजनीतिक संस्कार आवश्यक रहेको बताएका थिए ।

“पर्सा देशकै महत्त्वपूर्ण जिल्ला हो, तर यहाँबाट निर्वाचित सांसद र मन्त्रीहरूको बेवास्ताका कारण जिल्लाको विकास अपेक्षाकृत हुन सकेन,” उनले भने, “व्यापार–व्यवसाय, पूर्वाधार तथा सडकको अवस्था जीर्ण छ । अब प्राथमिकताका साथ सुधार गर्नुपर्छ ।” त्याे सुधारका लागी बालेनकाे सरकार अपरिहार्य रहेकाे उनले बताएका थिए ।

उनले निर्वाचित भएमा संघीय, प्रदेश र स्थानीय तहबीच प्रभावकारी समन्वय गरी योजनाबद्ध विकास अघि बढाइने बताएका थिए । उनले पर्साको औद्योगिक सम्भावनालाई मध्यनजर गर्दै ठूला विकास आयोजना अघि सार्ने बताएका थिए ।

घरदैलो अभियानमा स्थानीय नेता–कार्यकर्ता तथा समर्थकहरूको सहभागिता रहेको र मतदाताबाट सकारात्मक प्रतिक्रिया प्राप्त भएको रास्वापाले जनाएको छ ।