तराई क्षेत्रमा काँग्रेसको प्रभाव बढ्दो, ६५१ जनाको सामूहिक प्रवेश

चुनाव विशेष

Home
चुनाव विशेष
तराई क्षेत्रमा काँग्रेसको प्रभाव बढ्दो, ६५१ जनाको सामूहिक प्रवेश

तराई क्षेत्रमा काँग्रेसको प्रभाव बढ्दो, ६५१ जनाको सामूहिक प्रवेश

पर्सा जिल्लाको कालिकामाई गाउँपालिका र पोखरिया नगरपालिकामा विभिन्न राजनीतिक दल परित्याग गरी ठूलो संख्यामा नेता–कार्यकर्ता नेपाली कांग्रेसमा प्रवेश गरेका छन् ।

कालिकामाई गाउँपालिका–३ हरिहरपुरका वडा अध्यक्ष सन्जय कुमार पटेलको नेतृत्वमा ४५१ जना कार्यकर्ता जसपा नेपाल त्यागेर काँग्रेसमा प्रवेश गरेका छन्। पटेल यसअघि जनता समाजवादी पार्टी नेपालबाट वडा अध्यक्षमा निर्वाचित भएका थिए ।

त्यस्तै पोखरिया नगरपालिकाका नगर अध्यक्ष तथा मेयर प्रत्यासी राजु साह र वडा नं. ३ बसन्तपुरका वडा अध्यक्ष प्रत्यासी रबिभूषण तिवारीको नेतृत्वमा २०० जना नेता–कार्यकर्ता नेपाल कम्युनिष्ट पार्टी (एमाले), जनता समाजवादी पार्टी नेपाल र राष्ट्रिय स्वतन्त्र पार्टीलगायत विभिन्न दल त्यागेर काँग्रेसमा प्रवेश गरेका छ ।

नवप्रवेशीहरूलाई काँग्रेसका नेताहरूले स्वागत गर्दै पार्टीलाई थप मजबुत बनाउने विश्वास व्यक्त गरेका छन् । प्रवेश गर्नेहरूले विकास, स्थिरता र सुशासनका लागि नेपाली काँग्रेस रोजेको बताएका छन् ।

स्थानीय राजनीतिक वृत्तमा यस प्रवेशलाई अर्थपूर्ण रूपमा हेरिएको छ भने आगामी निर्वाचनमा यसको प्रभाव देखिने अनुमान गरिएको छ ।

प्रकाशित मिति: शुक्रबार, फागुन १५, २०८२ १७:२४