वीरगंज । अदालतबाट भएको फैसलाको पूर्णपाठसमेत नआईसकेको र मुख्य मुद्दा फर्छौट नभएको अवस्थामा वीरगञ्ज महानगरपालिका वडा नं. ४ का वडाध्यक्ष जगत साह कानुले घर खाली गर्न दबाब दिएको भन्दै घरधनी सुरज कुमार चन्द्रवंशीले आपत्ति जनाएका छन् ।
वडाध्यक्ष कानुले कहिले नगर प्रहरी पठाउने र कहिले प्रहरीको सहयोग लिएर आफूलाई निरन्तर मानसिक तनाव दिएको घरधनी सुरज कुमार चन्द्रवंशीले आरोप लगाएका छन् । वीरगञ्जको वडा नम्बर ४ स्थित श्री ओम साई क्लिनिक एण्ड डायग्नोष्टिक सेन्टर सञ्चालन भइरहेको घर–जग्गासम्बन्धी विवाद लामो समयदेखि कानुनी प्रक्रियामा छ । कित्ता नं. ८९ लगायतका जग्गासम्बन्धी विषयमा विभिन्न मुद्दा अदालतमा विचाराधीन रहेको अवस्थामा वडा कार्यालयले घर खाली गराउने प्रक्रिया अघि बढाएको भन्दै चन्द्रवंशी पक्षले वडाध्यक्षको कार्यशैलीप्रति प्रश्न उठाएको छ ।
चन्द्रवंशीका अनुसार कुनैपनी मुद्दाको पुर्णपाठ नआउँदै घर खाली वा घर तोडिदैन् वीरगंजको २५/२५ मिटर सडक विस्तारमा समेत त्यस्तै भएको थियो । तर यता ऋणको अवधि छदै लिलाम गरेको विषयमा मेरो र ऋण लिएको बैंक संगको वास्तविक मुद्दा विचाराधीन अवस्थामा रहेकै बेला घरखाली गर्न दिनकै तनाव दिने गरेको घरधनी चन्द्रवंशीको आरोप छ ।
मुख्य मुद्दा निर्कोल नहुदैँ मानहानीको विषयमा मात्रै अदालतबाट फैसला भएकोमा त्यसलाई अधार बनाएर त्यसको समेत पूर्णपाठ नआउँदै वडा कार्यालयबाट घर तथा कोठा खाली गर्न दबाब दिन थालिएको बताए । अदालतको फैसलाको वास्तविक आशय, कार्यान्वयनको अवस्था तथा सम्बन्धित पक्षको कानुनी अधिकार स्पष्ट हुनुअघि नै वडा कार्यालयले घर खाली गराउनेतर्फ सक्रियता देखाउनु आफूहरूमाथि अन्याय भएको उनको भनाइ छ ।
वडा अध्यक्ष जगत साह कानुसँग मेरो र वडा कार्यालयको घर बहाल सम्बन्धि मुद्दा चलिरहेको अवस्थाको फाईदा उठाउदै विपक्षीसंग मिलेर घर खाली गराउन लागेको समेत आरोप लगाएका छन् ।
उपलब्ध कागजातअनुसार वडा नं. ४ कार्यालयमा साविता देवी सर्राफले घरकोठा खाली गराइपाऊँ भन्दै निवेदन दिएकी थिइन् । सोही निवेदनका आधारमा वडा कार्यालयले ओम साई क्लिनिक एण्ड डायग्नोष्टिक सेन्टर सञ्चालन भइरहेको घर तथा कोठा खाली गर्ने सम्बन्धमा प्रक्रिया अघि बढाएको देखिन्छ ।
चन्द्रवंशीले भने आफ्नो पक्षलाई कानुनी रूपमा आफ्नो दाबी प्रस्तुत गर्ने अवसर हुँदाहुँदै वडा कार्यालयले एकतर्फी रूपमा पुर्णपाठ नआउँदै घर खाली गराउन खोजेको आरोप लगाएका छन् । उनका अनुसार वडा अध्यक्ष कानुको निर्देशनमा कहिले नगर प्रहरी र कहिले नेपाल प्रहरीको उपस्थितिमा आफूलाई दबाब दिने काम भएको थियो ।
यता वडा अध्यक्ष कानुले भने, निवेदकले दिएको निवेदनको अधारमा अाफुले प्रकृया अगाडि बढाएको बताएका छन् । उनका अनुसार चन्द्रवर्शीले आरोप लगाउदैमा निवेदकको सुनवाइ नहुने हुदैन् हामीले प्रक्रिया अगाडि बढाएको हो । सम्बन्धित व्यक्तिले बैंकबाट लिलाम सकार गरी २ करोड ४१ लाख रुपैयाँमा लिएको घर÷जग्गा खाली गराउन पटक–पटक पत्राचार र ताकेता गरिए अनुसार प्रक्रिया बढाएको उनले दाबी गरेका छन् ।
वडा अध्यक्ष कानुका अनुसार घरधनी सुरज चन्द्रवंशी, लिलाम साकार गरेका व्यक्ति समेत बैंकका प्रतिनिधि, वडाका भद्रभलादमी तथा स्थानीय जनप्रतिनिधिहरूको रोहवरमा छलफल गराई छलफलमा बैंकको सावाँ र ब्याज हिसाब गरी समस्या समाधान गर्न १० दिनको समय दिइएपनी कुनै ठोस निकास नआएकाले घरखाली गराउन प्रक्रिया बढाएको वडा अध्यक्ष जगत साह कानुले बताएका छन् ।
