सर्लाहीमा अश्लील तस्बिर तथा भिडियोको सहारामा ब्ल्याकमेलिङ गरेको आरोपमा प्रहरीले एक जनालाई पक्राउ गरेको छ ।
पक्राउ पर्नेमा बसबरिया गाउँपालिका–३ का शिवचरण मुखिया छन् । जिल्ला प्रहरी कार्यालय सर्लाहीका अनुसार उनले चिनजान तथा नाता सम्बन्धका आधारमा एक महिलालाई विश्वासमा पारी ह्वाट्सएपमार्फत पटक–पटक भिडियो कल गरी अश्लील संवाद गर्ने र त्यसलाई रेकर्ड गरी ब्ल्याकमेलिङ गरेको आरोप छ ।
उनले पीडितलाई धम्की दिँदै अश्लील तस्बिर तथा भिडियो सामाजिक सञ्जालमा सार्वजनिक गर्ने र आफन्तलाई पठाइदिने भन्दै ५० हजार रुपैयाँ माग गरेको जाहेरी परेको प्रहरीले जनाएको छ ।
मुखियालाई सर्लाही जिल्ला अदालतबाट विद्युतीय कारोबार ऐनअन्तर्गत साइबर अपराधमा सात दिन हिरासतमा राख्न अनुमति लिई थप अनुसन्धान भइरहेको प्रहरीले मंगलबार जनाएको छ ।
प्रहरीले यस्ता घटनामा प्राप्त च्याट, फोन नम्बर, कल विवरण, तस्बिर, भिडियो तथा अन्य डिजिटल प्रमाण सुरक्षित राखी तत्काल प्रहरीलाई जानकारी गराउन आग्रह गरेको छ ।
