आर्थिक वर्ष २०८२/८३ मा सञ्चालन भएका स्वास्थ्य कार्यक्रमको वार्षिक समीक्षामा सखुवा प्रसौनी गाउँपालिका पर्सा जिल्लामै प्रथम भएको छ ।
जिल्लास्तरीय वार्षिक स्वास्थ्य समीक्षा कार्यक्रमबाट सार्वजनिक गरिएको नतिजाअनुसार ठोरी गाउँपालिका दोस्रो र जगरनाथपुर गाउँपालिका तेस्रो भएका छन् ।
स्वास्थ्य कार्यक्रमको मूल्याङ्कन स्वास्थ्य सेवाको योजना तथा कार्यान्वयन, सेवा प्रवाह, सेवाको पहुँच तथा गुणस्तर, लक्षित समुदायसम्म सेवाको पहुँच र स्वास्थ्य संस्थाको कार्यसम्पादनलगायत विभिन्न सूचकका आधारमा गरिएको जनाइएको छ ।
सखुवा प्रसौनी गाउँपालिका प्रथम भएपछि गाउँपालिका अध्यक्ष जसवन्त यादवले स्वास्थ्य कार्यक्रम सञ्चालनमा योगदान पुर्याउने स्वास्थ्यकर्मी, महिला स्वास्थ्य स्वयंसेविका, जनप्रतिनिधि तथा कर्मचारीप्रति आभार व्यक्त गरेका छन् ।
यस्तै, बारा जिल्लामा आर्थिक वर्ष २०८२/८३ को स्वास्थ्य कार्यक्रम मूल्याङ्कनमा परवानीपुर गाउँपालिका प्रथम भएको छ। महागढीमाई नगरपालिका दोस्रो र करैयामाई गाउँपालिका तेस्रो भएका छन् ।
