रुपन्देहीको देवदह नगरपालिका–५ मितेरी गाउँमा पेस्तोलबाट गोली चल्दा एक युवक घाइते भएका छन्। घटनामा संलग्न रहेको आरोपमा प्रहरीले तीन जनालाई नियन्त्रणमा लिएको छ ।
जिल्ला प्रहरी कार्यालय रुपन्देहीका अनुसार पक्राउ पर्नेमा देवदह–५ मितेरी गाउँका ४२ वर्षीय दीपक उर्फ दुर्गाप्रसाद खरेल, ३८ वर्षीय कमल शर्मा र १८ वर्षीय अमृत खरेल रहेका छन् ।
प्रहरीका अनुसार पेस्तोल खेलाउने क्रममा गोली चलेपछि बुटवल उपमहानगरपालिका–९ मिलनचोकका २२ वर्षीय रायन खत्री क्षेत्री घाइते भएका हुन्। उनको गालामा गोली लागेको र हाल देवदह मेडिकल कलेजमा उपचार भइरहेको प्रहरीले जनाएको छ ।
घटनापछि प्रहरीले घटनास्थलबाट म्यागजिनसहितको माउजर पेस्तोल र दुई राउण्ड गोली बरामद गरेको छ ।
घटनामा पेस्तोल कसरी र कुन परिस्थितिमा चल्यो भन्ने विषयमा अनुसन्धान भइरहेको जिल्ला प्रहरी कार्यालय रुपन्देहीले जनाएको छ। प्रहरीले नियन्त्रणमा लिइएका तीनै जनामाथि थप अनुसन्धान अघि बढाएको छ ।
