वीरगंज महानगरपालिका–२१ मा ताजपुर जाने सडकको दुवैतर्फ रहेका नाला चार वर्षदेखि सफा नगरिएको भन्दै स्थानीयवासीले आक्रोश व्यक्त गरेका छन्। लामो समयदेखि नाला सफा नहुँदा फोहोर र माटो थुप्रिएर पानी निकासमा समस्या भएको उनीहरूको गुनासो छ ।
परवानीपुरबाट ताजपुर जाने सडकखण्डका दुवैतर्फ रहेका नालामा वर्षौंदेखि फोहोर तथा माटो जमेको स्थानीयले बताएका छन्। नाला अवरुद्ध हुँदा वर्षायाममा पानीको निकास प्रभावित हुने र सडक तथा आसपासका क्षेत्रमा पानी जम्ने समस्या बढ्दै गएको उनीहरूको भनाइ छ ।
स्थानीयवासीले समस्या समाधानका लागि पटक–पटक सम्बन्धित निकायलाई जानकारी गराउँदै आए पनि हालसम्म प्रभावकारी पहल हुन नसकेको बताएका छन्। उनीहरूले महानगरका मेयर तथा वडा अध्यक्षलाई समेत पटक–पटक जानकारी गराउँदा आफूहरू थाकिसकेको गुनासो गरेका छन् ।
नाला सफाइको विषय लामो समयदेखि समाधान हुन नसकेको भन्दै स्थानीयले महानगरपालिका र वडा नेतृत्वको कार्यशैलीमाथि प्रश्न उठाएका छन्। उनीहरूले सामान्य नागरिकको दैनिक जीवनसँग प्रत्यक्ष जोडिएको नाला सफाइजस्तो विषयसमेत वर्षौंसम्म बेवास्ता हुनु दुःखद भएको बताएका छन् ।
लामो समयदेखि नाला सफा नहुँदा दुर्गन्ध, फोहोर तथा पानी निकासको समस्या बढेको स्थानीयको भनाइ छ। उनीहरूले तत्काल नाला सफा गरी पानीको सहज निकासको व्यवस्था गर्न महानगरपालिका र वडा कार्यालयसँग माग गरेका छन् ।
स्थानीयवासीले नाला सफाइलाई एकपटकको अभियानमा सीमित नराखी नियमित रूपमा सफा गर्ने व्यवस्था मिलाउनसमेत महानगरपालिकासँग आग्रह गरेका छन् ।
