उज्यालो नेपाल पार्टी, मधेस प्रदेश समितिले स्थानीय निर्वाचनलाई मध्यनजर गर्दै 'उज्यालो मिसन मधेस प्रदेश: स्थानीय निर्वाचनका लागि उम्मेदवार तयारी अभियान' औपचारिक रूपमा सुरु गरेको छ ।
'सुशासन, समृद्धि, उज्यालो नेपाल' को मुख्य नारा बोकेको यस अभियानको नेतृत्व पार्टीका अध्यक्ष कुलमान घिसिङले गर्नुभएको छ ।पार्टीले स्थानीय तहमा पालिका प्रमुख तथा वडा अध्यक्ष पदका लागि उम्मेदवार बन्न चाहने इच्छुक र योग्य व्यक्तिहरूलाई अवसर, विशेष तालिम तथा मार्गदर्शन प्रदान गर्न यो अभियान अगाडि बढाइएको जनाएको छ ।
"यदि तपाईं उम्मेदवार बन्न इच्छुक हुनुहुन्छ भने अब ढिला नगर्नुहोस्" भन्दै पार्टीले स्थानीय तहमा सक्रिय, शिक्षित, र जिम्मेवार युवाहरूको सहभागितामा जोड दिएको छ । अभियानअन्तर्गत उम्मेदवारहरूका लागि चुनावी तयारी र रणनीति, जनसम्पर्क तथा प्रचारप्रसार, कानूनी जानकारीका साथै नेतृत्व विकाससम्बन्धी आवश्यक मार्गदर्शन प्रदान गरिनेछ ।
पालिका प्रमुख, वडा अध्यक्ष बन्न चाहने वा स्थानीय तहमा प्रभावकारी नेतृत्व दिन चाहनेहरूले यस अभियानबाट लाभ लिन सक्नेछन् ।इच्छुक तथा योग्य व्यक्तिहरूले पार्टीको आधिकारिक वेबसाइट www.unp.org.np मा Log in गरी अनलाइन माध्यमबाट सदस्यता तथा उम्मेदवारी फारम भर्न सक्नेछन् ।
यसका साथै, उम्मेदवारीसम्बन्धी थप जानकारी तथा सहजीकरणका लागि आफ्नो जिल्लाका जिल्ला अध्यक्ष, केन्द्रीय सदस्य वा प्रदेश पदाधिकारीहरूसँग सम्पर्क गर्न सकिनेछ । थप जानकारीका लागि आफ्नो पालिका र वडा स्पष्ट उल्लेख गरी WhatsApp नम्बर 9712025177, 9855001177 मा सन्देश पठाउन सकिने व्यवस्था मिलाइएको छ ।
नयाँ सोच, सक्षम नेतृत्व र उज्यालो भविष्य" को परिकल्पना सहित मधेस प्रदेशमा समृद्धिको लक्ष्य हासिल गर्न यो अभियानमा सहभागि हुन उज्यालाेले अह्वान गरेकाे छ ।
