पर्साको वीरगंज महानगरपालिका–१६ बाट भन्सार छली गरी ल्याइएको ३९९ किलो फर्सीको बीउ प्रहरीले बरामद गरेको छ।
विशेष सूचनाका आधारमा शुक्रबार बिहान करिब १० बजे खटिएको प्रहरी विशेष टोलीले उक्त बीउ बेवारिसे अवस्थामा फेला पारेको हो।
प्रहरीका अनुसार बरामद गरिएको फर्सीको बीउको मूल्य ७९ हजार ८ सय रुपैयाँ कायम गरिएको छ।
बरामद बीउ थप अनुसन्धान तथा आवश्यक कारबाहीका लागि सोही दिन वीरगंज भन्सार कार्यालयमा बुझाइएको जिल्ला प्रहरी कार्यालय पर्साका प्रवक्ता तथा सूचना अधिकारी प्रहरी नायब उपरीक्षक चक्रबहादुर मल्लले जानकारी दिएका छन्।
