बारा | बाराको प्रसौनी गाउँपालिका–६ बेलहियामा गोठमा आगलागी हुँदा भैँसीसहित तीनवटा पशु जलेर मरेका छन् । आगलागीबाट करिब २ लाख ५० हजार रुपैयाँ बराबरको क्षति भएको छ ।
मंगलबार बिहान ४ बजेर ५ मिनेटमा स्थानीय राजदेव यादवको गोठमा अचानक आगलागी भएको जिल्ला प्रहरी कार्यालय बाराले जनाएको छ ।
प्रहरीका अनुसार आगलागीबाट एउटा भैँसी, एउटा पाडा र एउटा बाख्रा जलेर मरेका छन् । त्यस्तै, गोठमा रहेका लत्ताकपडा तथा दमकलका पाइपसमेत जलेर नष्ट भएका छन् ।
प्रहरी र स्थानीयवासीको सहयोगमा बिहान ४ बजेर ४० मिनेटमा आगो नियन्त्रणमा लिइएको थियो। घटनामा मानवीय क्षति भने नभएको प्रहरीले जनाएको छ ।
आगलागीबाट भएको क्षतिको विवरणअनुसार करिब २ लाख ५० हजार रुपैयाँ बराबरको नोक्सानी भएको छ ।