वीरगन्ज । वीरगन्जको ठाकुरराम बहुमुखी क्याम्पसमा स्वतन्त्र विद्यार्थी युनियन (स्ववियु) निर्वाचनका लागि भएको मतदान सम्पन्न भएको छ ।
स्ववियु सभापतिसहितका पदाधिकारी चयन गर्न आज बिहान १० बजेबाट सुरु भएको मतदान साँझ ५:३० बजे सम्पन्न भएको हो। निर्वाचन समितिका अनुसार कुल १०,७२९ मतदाता रहेकामा ४,३०६ मत मात्रै खसेको छ, जसअनुसार मतदान प्रतिशत ४० रहेको छ ।
निर्वाचन समिति प्रमुख दिलीप सिंहका अनुसार कुल ७.५ घन्टा चलेको मतदान शान्तिपूर्ण रूपमा सम्पन्न भएको छ ।
निर्वाचन सम्पन्न भइसकेपछि मतगणना आजै सुरु गर्ने वा भोलि गर्ने भन्ने विषयमा सबै सङ्गठन तथा समूहसँग छलफल गरी टुङ्गो लगाइने पर्साका प्रमुख जिल्ला अधिकारी गणेश अर्यालले जानकारी दिएका छन् ।
स्ववियु सभापति पदका लागि ठाकुरराम क्याम्पसमा १४ जनाले उम्मेदवारी दिएका छन्। मतगणना प्रक्रिया सकिएपछि नतिजा सार्वजनिक गरिने निर्वाचन समितिले जनाएको छ ।
