काठमाडौं । राजावादी आन्दोलनमा हिंसात्मक प्रर्दशन गरेको आरोपमा पक्राउ परेका राप्रपाका वरिष्ठ उपाध्यक्ष रवीन्द्र मिश्र, सांसद तथा राप्रपाका महामन्त्री धवल शमशेर राणासहित ४१ जनालाई दोस्रो पटक म्याद थपका लागि अदालत लगिँदैछ ।
जिल्ला प्रहरी परिसर काठमाडौंको हिरासतमा रहेका ४१ जनालाई काठमाडौं जिल्ला अदालतमा म्याद थपका लागि उपस्थित गराइने प्रहरीले जनाएको छ ।
आपराधिक उपद्रव र संगठित अपराधमा ३० जना र राज्यविरुद्धको कसुरमा ११ जना गरी ४१ जनालाई पहिलोपटक आइतबार पाँच दिनको म्याद थप भएको थियो । शुक्रबार पक्राउ परेका उनीहरुलाई आइतबार ५ दिनको म्याद पाएको थियो । उक्त म्याद आज सकिएपछि फेरी म्याद थपका लागि अदालत पेश गर्न लागिएको प्रहरीले जनाएको छ ।
राप्रपाका वरिष्ठ उपाध्यक्ष रवीन्द्र मिश्र, सांसद तथा राप्रपाका महामन्त्री धवल शमशेर राणासहितलाई राज्यविरुद्धको कसुरमा अनुसन्धान भैरहेको छ।
