काठमार्डौँ । सरकार र सहकारी तथा लघुवित्त संघर्ष समितिबीच भएको सहमति कार्यान्वयन नभएको भन्दै काठमाडौँमा पुनः प्रदर्शन सुरु भएको छ ।
सहकारी बचतकर्ता संरक्षण राष्ट्रिय अभियान महासंघको अनुवाईमा काठमाडौँमा आन्दोलन सुरु भएको हो । आन्दोलनका लागि बिभिन्न जिल्लाबाट लघुवित्त पीडित काठमाडौंमा आएका छन् । बिहीबार उनीहरुले काठमाडौंको माइतिघरदेखि बानेश्वरसम्म प्रदर्शन गरेका थिए बालुवाटारमा धर्ना दिएका छन् । 
सहकारी पीडित, लघुवित्त पीडित तथा मिटरब्याज पीडितहरुसँग यसअघि सरकारले गरेको सहमति कार्यान्वयन गरेको भन्दै पुन आन्दोलन गर्नुपरेको महासंघका अध्यक्ष कुशलभ केसीले बताए । उनले सरकारले पटक पटक सम्झौता गर्ने तर पीडितको समस्या समाधान नगर्ने गरेको आरोप लगाए ।
समस्या समाधानका लागि विभिन्न समिति बनाएर प्रतिवेदन बुझाइसकेपनि कार्यान्वयनमा समस्या देखिएको महासंघको आरोप छ । प्रदर्शनकारीहरुले लघुवित्त संस्थाहरु खारेज गर्नुपर्ने, सामूहिक ऋण मिनाहा गर्नुपर्ने, मिटरव्याजी तमसुक रद्द गर्नुपर्ने लगाएका माग समेत अघि सारेका छन् । 
