काठमाडौं । अर्थ मन्त्रालयले नेपाल राष्ट्र बैंकका वरिष्ठ डेपुटी गभर्नर निलम ढुङ्गाना तिम्सिनालाई कायम मुकायम गभर्नरको जिम्मेवारी तोकेको छ ।
नेपाल राष्ट्र बैंक ऐन २०५८ को दफा २७ बमोजिम उपप्रधानमन्त्री एवं अर्थमन्त्री विष्णुप्रसाद पौडेलले ढुङ्गानालाई कायम मुकायम गभर्नरको जिम्मेवारी तोकेको अर्थमन्त्रीको सचिवालयले जानकारी दिएको छ ।
यसअघि, गभर्नर महाप्रसाद अधिकारीले आफ्नो कार्यकाल सकेर चैत २४ गते नै राष्ट्र बैंकबाट बाहिरिएका थिए । तर, सरकारमा सत्तापक्षीय गठबन्धनमा पात्र छनोटको सहमति गर्न नसक्दा अर्थ मन्त्रालयले पुनः कायम मुकायम गभर्नर तोकेको हो ।
