नेपाल राष्ट्र बैंकका नवनियुक्त गभर्नर डा. विश्वनाथ पौडेलको नियुक्ति असंवैधानिक रहेको दाबी गर्दै सर्वोच्च अदालतमा रिट दायर गरिएको छ ।
अधिवक्ता अनन्तराज लुइँटेल, प्रतिभा उप्रेती र विशाल थापाले सर्वोच्चमा संयुक्तरूपमा रिट दर्ता गराएका हुन्। उनीहरूले पौडेलको नियुक्ति राष्ट्र बैंक ऐनको प्रावधान विपरीत गैरकानुनी रुपमा गरिएको दाबी गर्दै नियुक्ति बदरको माग गरेका छन् ।
सर्वोच्च अदालत प्रशासनका अनुसार रिटमा पौडेल गभर्नर बन्नका लागि अयोग्य रहेको उल्लेख गरिएको छ।
डा. पौडेललाई सरकारको निर्णयअनुसार यही जेठ ६ गते राष्ट्र बैंकको गभर्नर पदमा नियुक्त गरिएको हो। तर रिट निवेदकहरूले सरकारको उक्त निर्णय कानुनी मान्यता नभएको दाबी गरेका छन् ।
सर्वोच्च अदालतले प्रारम्भिक प्रक्रिया अगाडि बढाएको जनाएको छ ।
