जनकपुर । मधेस प्रदेश सभाको बैठक शुक्रबार दिउँसो १ बजे बस्ने भनिए पनि ढिलो गरी सुरु भएको बैठक १० मिनेटमै फेरि अवरुद्ध भएको छ । अब अर्को सूचना नआएसम्म प्रदेश सभा बैठक सञ्चालन नहुने भएको छ ।
आजको बैठकमा प्रदेश प्रमुखबाट प्राप्त पत्र वाचन गर्ने र दलका प्रतिनिधिहरूको शुभकामना मन्तव्यसमेत कार्यसूचीमा रहेको प्रदेशसभा सचिवालयले जनाएको थियो ।
तर, बिहीबारदेखि सुरु भएको छैटौँ अधिवेशन पहिलो दिनमै अवरुद्ध भएको थियो । प्रतिपक्षी दलहरूले अर्थमन्त्री सुनिल यादवले २९४ पृष्ठको योजना लुकाएर बजेट पारित गरेको आरोप लगाउँदै राजीनामाको माग गरेका छन् ।
जसपा नेपालका प्रमुख सचेतक रामअशिष यादवले अर्थमन्त्रीको राजीनामा नआएसम्म सदन चल्न नदिने अडान दोहोर्याएका छन् ।
भिडियाे सामाग्री
